Porti i Durrësit edhe gjatë këtij sezoni turistik ka qenë ndalesa e një numri të lartë anijesh turstike.
Autoriteti Portual Durrës bën të ditur se gjatë periudhës janar-korrik 230 mjete turistike detare janë ndalur në Autoriteti Portual Durrës.
Sipas APD-së edhe në ditët e fundit të gushtit në kalatat e portit vijojnë të ankorohen jahte turistike.
Shume prej tyre sjellin turistë, ndërsa të tjerë ndalojnë për të kryer shërbime portuale, apo furnizim me karburant.
Vitet e fundit numri i mjeteve lundruese luksoze që ankorohen në Portin e Durrësit është rritur ndjeshëm ashtu sikurse edhe koha e qëndrimit të tyre.
Shqipëria në 6 muajt e parë të këtij viti u vizitua nga 4.5 milionë turistë të huaj, ose +34% krahasuar me vitin e kaluar.
/ rtsh.al /
