Me koncertin madhështor ‘Tumankuqe’ do të hapet sezoni i ri artistik i Ansamblit Popullor në Teatrin Kombëtar të Operës dhe Baletit. Koncerti do të përmbajë origjinalitetin e këngëve, valleve e kostumeve të krahinës së Çamërisë.
“Do të jetë me pjesëmarrjen e trupës së Ansamblit Popullor, ku do të performojnë orkestra, grupi vokal, solistët këngëtarë”, tha Sokol Marsi Drejtor Artistik i Ansamblit.
Universi I këngës dhe valles çame është sa origjinal aq edhe i larmishëm, por mbi të gjitha ruan arkaizmat dhe ngjyrimet autentike, duke synuar ti trashëgojë ato edhe në brezat e rinj . Por për të arritur deri te premiera e ‘Tumankuqes ‘ artistëve u është dashur të punojnë shumë.
“Çamëria është një ndër trevat më pikante të shqiptarëve, simbolika e kësaj premiere është personazhi i kapedanit, ku spikat figura e trimave çam”.
Koncerti ‘Tumankuqe’ do të vij premierë në datën 16 dhe 17 shtator në orën 20:00, ndërsa do të ketë të ftuar special edhe dy emra të mëdhenj të muzikës çame siç janë Enkelejda dhe Hysni Alushi.
Gazetare K. Kule
/RTSH/