Kryeministri Edi Rama zhvilloi një takim me homologun e tij në Luksemburg, Luc Frieden.
Nëpërmjet një postimi në rrjete sociale, Rama ka bërë me dije se në këtë takim, ka dakordësuar me Frieden, zbatimin e marrëveshjes së heqjes së tatimit të dyfishtë pas daljes së Shqipërisë nga lista gri.
“Takim me Kryeministrin e Luksemburgut, Luc Frieden, një mbështetës i vendosur i integrimit të Shqipërisë në BE, me të cilin ndër të tjera dakordësuam zbatimin e marrëveshjes së heqjes së tatimit të dyfishtë pas daljes së Shqipërisë nga lista gri dhe folëm për rritjen e mëtejshme të numrit të turistëve luksemburgezë në Shqipëri”, shkruan kryeministri Rama.
