Aktori i njohur me shumë role në kinematografinë shqiptare, Ardian Cerga, solli në Shkodër, në mjediset e Bibliotekës publike "Marin Barleti" librin e tij "Kohë dashurish të harruara". Jo pa qëllim autori zgjodhi për ta prezantuar librin e tij në këtë qytet.
Autori thotë se shoqëria dhe mjedisi kanë nevojë të orientohen më shumë drejt librit duke qenë se fokusi dhe vëmendja e tyre po përqendrohet në programe që nuk kanë asnjë vlerë.
Romani "Kohë dashurish të humbura" është shkruar për një kontekst të caktuar historik të viteve '80, i cili duket se i mungon letërsisë shqipe ndërsa personazhet e tij duken tepër të gjalla.
Në promovimin e librit morën pjesë edhe shumë personalitete dhe figura të spikatura të qytetit.
/rtsh/