Një pasdite ndryshe, plot me emocione dhe ngjyra ishte kjo e enjte në studion e emisionit “Miqtë e pasdites” në RTSH, ku të rinj me aftësi ndryshe mahnitën me talentet e tyre.
Një histori jo më pak emocionuese solli edhe stilistja e njohur Anila Konomi, teksa tregoi rastin e vajës së saj, e cila është në pritje të ëmbël. Stilistja tha se e bija kishte refuzuar të bënte analizën e sindromës Down dhe se kishte vendosur ta mbante fëmijën pavarësisht çdo gjëje.
“Vajza ime tani është shtatzënë dhe i uroj lindje të lehtë, por kur unë i thash a i ke bërë analizat për sindromën Down, më tha mami nuk i bëj, është fëmija i Zotit tha, edhe sikur të jetë, unë do ta mbaj. Asaj i është rritur fisnikëria. Ajo është shtatzënë tani dhe shkon pikërisht në spital dhe ndihmon pikërisht këta fëmijë”, u shpreh ajo.
/rtsh.al/
