Zjarret masive në Kaliforni priten të shkaktojnë dëme ekonomike deri në 150 miliardë dollarë, bëjnë të ditur të dhënat paraprake. Në këtë zonë u shkatërruan mbi 1,000 banesa dhe u evakuuan rreth 130,000 njerëz, duke përfshirë shumë yje të Hollivudit.
Të paktën dhjetë persona kanë humbur jetën, sipas të dhënave paraprake, ndërsa zyrtarët presin që numri i të vdekurve të rritet. Më shumë se 1,000 struktura, kryesisht shtëpi, janë shkatërruar nga flakët deri tani dhe rreth 130,000 njerëz janë evakuuar në zonën metropolitane.
Shpërthimi më i madh konsumoi rreth 5,000 hektarë në zonën Pacific Palisades, që është shtëpia e yjeve të filmit, televizionit dhe muzikës. Në këtë zonë, banesa mesatare vlen 4.5 milionë dollarë.
/ rtsh.al /
