Volodymyr Zelenskyy u është lutur aleatëve për muaj të tërë që të lejojnë Ukrainën të lëshojë raketa perëndimore, duke përfshirë ato me rreze të gjatë amerikane (Atacm dhe British Storm Shadows) në Rusi për të kufizuar aftësinë e Moskës për të nisur sulme.
Ai pritet t'i përsërisë këto lutje gjatë vizitës së tij diplomatike në SHBA këtë javë, kur do të takohet me Joe Biden.
Presidenti ukrainas pyetet nga spikeri i Mirëmëngjes Amerika, Robin Roberts se çfarë do të ndodhte nëse atij i mohohet leja për të përdorur armët perëndimore për të goditur thellë brenda Rusisë.
Zelensky u përgjigj se, “Putini do të vazhdojë të na shkatërrojë, të vrasë njerëz, të vrasë fëmijë, absolutisht. Ai do të veprojë në këtë mënyrë. Do të humbasim mijëra shkolla dhe dhjetëra mijëra jetë. Kjo është ajo që do të ndodhë”.
Ai falënderoi popullin amerikan për të gjithë ndihmën dhe mbështetjen e deritanishme dhe tha se “ne jemi më afër paqes sesa mendojmë”.
/rtsh.al/
