Grupimi i Lulëzim Bashës nuk arriti të marrë pezullimin e vendimit të gjykatës së apelit që i dha Sali Berishës vulën e Partisë Demokratike.
Në gjykatën e Lartë u shqyrtua kërkesa e Enkelejd Alibeaj për të pezulluar vendimin që njeh Sali Berishën si kryetar, deri në momentin që kjo gjykatë do të marrë një vendim mbi rekursin e bërë.
Vendimi u mor në Dhomë Këshillimi ndërkohë hapi i radhës i grupimit anti-Berishë mbetet pritja e seancës në Gjykatën e Lartë që do të shqyrtojë rekursin e bërë nga Lulëzim Basha i cili kërkon zhbërjen e vendimit të dy shkallëve të gjyqësorit.
Gazetar: Kreshnik Mersinllari
/rtsh.al/
