Kreu i Komisionit Qendror të Zgjedhjeve (KQZ), Ilirjan Celibashi, i ka bërë thirrje shtetasve shqiptarë që jetojnë jashtë vendit, të regjistrohen për të marrë pjesë në zgjedhjet parlamentare të planifikuara për më 11 maj 2025.
Në një reagim në rrjetet sociale, ai tregoi se në 72 orët e para ka pasur 10 mijë regjistrime të shqiptarëve që jetojnë jashtë vendit për të votuar.
“KQZ Shqipëri nxit të gjithë shtetasit shqiptarë që duan të votojnë nga jashtë të regjistrohen sa më parë për të marrë pjesë në Zgjedhjet për Kuvendin të datës 11 Maj 2025. Shpërndani linkun e mëposhtëm që të aplikojnë edhe miqtë dhe të afërmit tuaj,” shkruan Celibashi.
"Mos e humbni këtë mundësi unike për të shkruar historinë bashkë," vijon ai, duke shtuar se, “regjistrimi është i lehtë dhe i shpejtë. Vizitoni diaspora.kqz.gov.al.
#Shkarkoni aplikacionin mobile KQZ për Android dhe IOS, ose vizitoni www.kqz.gov.al (rubrika Votues nga Jashtë) për të marrë të gjitha informacionet se si mund të votoni nga jashtë territorit të Shqipërisë për zgjedhjet për Kuvendin e Shqipërisë 2025,” shkruan Celibashi.
/rtsh.al/