Nga strehimi i flamingove në tualete deri te sigurimi i ushqimeve të specializuara të koalave, kur godasin uraganet, kopshtet zoologjike kanë nevojë për plane emergjente.
Punonjësit e kopshtit zoologjik të Tampas kanë punuar për të mbrojtur më shumë se 1000 kafshë, ndërsa Uragani Milton ka nisur drejt bregut perëndimor të Floridës.
ZooTampa tha se do të jetë i mbyllur deri të enjten, pasi rojet e kopshtit zoologjik filluan t'i lëvizin kafshët në vende të sigurta .
"Kopshti zoologjik ka një plan gjithëpërfshirës të motit të ashpër për të garantuar sigurinë e kafshëve tona dhe anëtarëve të ekipit dhe do të marrë të gjitha masat paraprake sipas kushteve," tha drejtuesi i kopshtit zoologjik në një postim në mediat sociale të hënën.
Sandra Torres, nënkryetare e marketingut dhe komunikimit për kopshtin zoologjik, i tha The Independent se kafshët më të mëdha si elefantët, gjirafat, panterat dhe arinjtë kanë hambarë ose banesa nate që janë të mbrojtura nga uragani, por zogjtë dhe kafshët më të vogla po zhvendosen në vende më të sigurta.
Numri i kafshëve të zhvendosura arrin në rreth 1000, dhe kopshti zoologjik ishte ende duke punuar për sigurinë e tyre ndërsa kur Uragani Milton do të godasë në të vërtetë, 12 njerëz do të kujdesen për kafshët.
Kopshti zoologjik “ZooTampa”, i cila ka qenë e hapur që nga viti 1930, kanë punuar gjithashtu edhe në stuhi masive gjatë gjithë vitit duke përfshirë edhe Uraganin Helene i cili u cilësua si një uragan i kategorisë 4 dhe goditi vendin dy javë më parë.
/rtsh.al/
