Të paktën 43 njerëz kanë humbur jetën dhe miliona kanë mbetur pa energji, pasi uragani Helene ka goditur juglindjen e SHBA.
Kjo stuhi konsiderohet më e fuqishmja që goditi Floridën dhe u zhvendos në veri në Gjeorgji dhe Karolina pasi arriti në tokë.
Dëmi i shkaktuar nga stuhia mund të arrijë në miliarda dollarë. Rrugët dhe shtëpitë u përmbytën. Edhe pse Helene është dobësuar ndjeshëm, sinoptikanët paralajmërojnë se erërat e forta, përmbytjet dhe kërcënimi i tornadove mund të vazhdojnë.
Uragani është i 14-ti më i fuqishëm që godet SHBA-në që nga fillimi i regjistrimeve. Me gjerësi afërsisht 675 km, ajo qëndron pas vetëm dy uraganeve të tjera - Ida në 2017 dhe Opal në 1996, të cilët ishin 460 milje të gjerë.
Për shkak të madhësisë së tij, ndikimi i erërave të forta dhe shiut të dendur kanë qenë të përhapura në të gjithë Florida, Xhorxhia, Tenesi dhe Karolina.
Zyrtarët u kujtuan banorëve se efektet e stuhisë "nuk kanë përfunduar ende" dhe u kërkuan banorëve të qëndrojnë vigjilentë./ BBC
/rtsh.al/
