Turqia tha se ka arrestuar dhjetë admiralë në pension, të cilët kanë nënshkruar një letër të hapur, duke pohuar rëndësinë e Konventës Montre e cila u krijua për të parandaluar militarizimin e Detit të Zi. Prokuroria kërkoi gjithashtu që 4 persona të tjerë të dyshuar të paraqiten në Policinë e Ankarasë brenda 3 ditësh, duke mos vendosur që t’i mbajnë në qeli për shkak të moshës së tyre.
Letra e hapur, e nënshkruar nga 104 ish-pjesëtarë të rangut të lartë të marinës, është dënuar nga zyrtarët turq, të cilët e shohin si sfidim të drejtpërdrejtë të Qeverisë nga ana e ushtrisë. Zëdhënësi presidencial, Ibrahim Kalin, tha se letra përmban shenjat dalluese të një komploti ushtarak për të përmbysur Qeverinë. “Disa ushtarë në pension po e vendosin veten në një pozitë qesharake dhe të mjerueshme me deklaratën e tyre, e cila i bën jehonë kohës së puçit ushtarak”, tha Kalin.
Muajin e kaluar, Turqia ka miratuar një plan për të ndërtuar Kanalin e Madh të Stambollit që lidh Detin e Zi në veri me Detin Marmara në jug të Stambollit, një project I ngjashëm me Kanalin e Suezit dhe Panamasë. Ky projekt ka hapur debate rreth Konventës së Montreux të vitit 1936, e cila garanton kalimin e lirë të anijeve në ngushticat e Bosforit dhe të Dardaneleve në kohë paqeje dhe lufte.
Rajon
Turqia arreston 10 admiralë në pension, nën dyshimet për një tjetër puç ushtarak
05/04/2021