Enxhi Naumi me një vëllim me poezi, Alban Tufa me romanin “Ata që ishin dhe mbetën dy” dhe Andrin Kabashi nga Kosova me vëllimin me tregime “Qyteti i palume” janë fituesit e Fondit të Krijimtarisë Letrare për të Rinj.
Ky ishte një fond i përvitshëm, që u krijua tre vite më parë nga Ministria e Kulturës dhe QKLL për të ndihmuar të rinjtë e talentuar në letërsi.
Të tre veprat fituese në nivel dorëshkrimi, gjykuar nga juria e përbërë nga Liridon Mulaj si kryetar, Enkel Demi dhe Sonila Strakosha si anëtare, do të botohen respektivisht nga shtëpitë botuese; Albas, Toena dhe Onufri, me mbështetjen financiare prej 150 mijë lekësh për botimin e secilit libër nga QKLL.
/ rtsh /
