Në kujtim të poetit dhe shkrimtarit Llazar Siliqi në 100 vjetorin e lindjes së tij, studiues dhe familiarë kanë sjellë veprën e tij e cila ka lënë gjurmë në trashëgiminë tonë kulturore dhe artistike. Llazar Siliqi ishte libretisti i Operës së parë shqiptare, “Mrika”, si edhe i operës “Gjergj Kastrioti Skënderbeu” .
Siliqi është i njohur edhe për poemën epike “Prishtina”. Po ashtu ka shkruar edhe skenarin e filmit, “Komisari i Dritës”. Në vitin 1966 ai gjithashtu ka qene tekstshkrues ne festivalet e para të Këngës në Radio Televisionin Shqiptar.
Për një kohë të gjatë ka qenë anëtar i Lidhjes shqiptare të Shkrimtarëve dhe Artistëve. Mori pjesë në Kongresin e Drejtshkrimit të vitit 1972, ku u standardizuan rregullat e gjuhës shqipe, dhe ishte njëri nga nënshkruesit.
RTSH
