Një pije thelbësore në mëngjes, ka nga ata që e ndalojnë pirjen pas drekës sepse kanë frikë se nuk do të flenë dot dhe nga ata që vazhdojnë ta pinë atë edhe pas darkës . Ajo lidhet me momentin e pushimit me kolegët apo takimin me miqtë. Por sa janë shumë? Dr. Elisabetta Macorsini , nutricioniste biologe e Humanitas Medical Care Humanitas Mater Domini Hospital .
“Rreth kafesë dhe konsumimit të saj ka shumë dyshime dhe gjithashtu disa besime të rreme. Sa duhet pirë? A është e mirë apo e keqe? A është e vërtetë që është e keqe për zemrën? Në një përmbledhje të botuar në revistën shkencore New England Journal of Medicine , epidemiologët dhe nutricionistët analizuan të mirat dhe të këqijat e marrjes së kafesë duke arritur në përfundimin se rreziqet janë më të ulëta se përfitimet , nëse konsumohet me moderim. E rëndësishme është të konsumohet pak gjatë shtatzënisë. Sasitë e kafeinës ndryshojnë sipas zakoneve të çdo vendi, në bazë të llojit të përgatitjes, lëndës së parë dhe në rastin e pijeve industriale, markave. Konsumimi ditor i 400 mg kafeinë është i sigurt për shumicën e popullsisë së rritur”, thotë eksperti.
“Kafeina që përmban kafeja vepron në sistemin nervor qendror duke përforcuar qartësinë mendore dhe duke reduktuar ndjenjën e lodhjes dhe të përgjumjes . Rreth një çerek ore pas marrjes, kafeina arrin në tru dhe lidhet me receptorët e adenozinës një neurotransmetues që ndërhyn në ciklin e gjumit duke zënë vendin e saj" kafeina pengon dëshirën për të dremitur . Megjithatë kafeina nuk mund të kompensojë rënien e performancës nëse ka netë në të cilat sasia dhe cilësia e gjumit nuk janë të mjaftueshme” nënvizon Dr. Macorsini.
“Në çdo rast, toleranca ndaj kafeinës është individuale , kështu që është më mirë që secili të vendosë vetë. Për më tepër për sa i përket presionit të gjakut , kafeina mund ta rrisë atë në një afat të shkurtër por me konsum të rregullt trupi zhvillon një formë tolerance që do të mbronte nga rreziku i zhvillimit të hipertensionit për shkak të kafesë” përfundon doktori Macorsini.
/rtsh.al/
