Izraeli ka nisur sulme ajrore kundër disa lokacioneve në Libanin jugor. Si pasojë e këtyre sulmeve, një person është vrarë dhe gjashtë të tjerë janë plagosur.
Ministri izraelit i mbrojtjes, Yoav Gallant, ka bërë me dije në rrjetet sociale se ka zhvilluar një bisedë telefonike me Sekretarin amerikan të Mbrojtjes, Lloyd Austin.
Gallant, pozicioni i të cilit në kabinetin e Benjamin Netanyahut ka qenë kohët e fundit objekt i shumë spekulimeve, tha se "i dha sekretarit një vlerësim të situatës së kërcënimeve të Hezbollahut" dhe se e informoi atë mbi "operacionet e IDF për të degraduar aftësinë e Hezbollahut për të nisur sulme kundër civilëve izraelitë".
Gallant shtoi se dyshja diskutuan gjithashtu situatën më të gjerë rajonale dhe kërcënimet e paraqitura nga Irani dhe përfaqësuesit e tij.
Shtetet e Bashkuara kanë mbajtur qëndrimin se nuk janë informuar paraprakisht mbi detajet e sulmit të dyshuar sabotues izraelit javën e kaluar, i cili shpërtheu në Liban , duke vrarë dhjetëra dhe duke plagosur mijëra njerëz.
Mijëra njerëz në Izraelin verior dhe Libanin jugor janë detyruar të evakuohen për shkak të shkëmbimeve pothuajse të vazhdueshme të zjarrit midis Izraelit dhe forcave anti-izraelite në zonë që nga 7 tetori.
/rtsh.al/
