Të paktën një person është vrarë dhe tre janë plagosur në një sulm masiv me dron gjatë natës në Moskë dhe rajonin e kryeqytetit.
Ministria ruse e mbrojtjes ka raportuar se rreth 337 dronë ukrainas janë kapur dhe shkatërruar gjatë natës në rajonin e Moskës dhe nëntë rajone të tjera ruse.
Sulmi me dron vjen pak orë përpara bisedimeve të planifikuara në Arabinë Saudite midis zyrtarëve ukrainas dhe amerikanë, ku kreu i zyrës së Zelenskyt, Andriy Yermak pritet të flasë me Sekretarin e Shtetit të SHBA, Marco Rubio.
Takimi midis dy delegacioneve pason një përplasje midis Zelensky dhe Trump në Shtëpinë e Bardhë muajin e kaluar, pas së cilës SHBA ndaloi ndihmën ushtarake dhe shkëmbimin e inteligjencës me Ukrainën.
Rubio ka thënë se ai shpresonte se pauza e ndihmës mund të "zgjidhej", por se negociatat të martën "do të ishin çelësi për këtë".
Zelensky arriti ditën e djeshme (10 mars) në Arabinë Saudite të hënën për të takuar Princin e Kurorës Mohammed bin Salman, por ai nuk pritet të përfshihet zyrtarisht në bisedimet sot.
/rtsh.al/
