Operacioni policor i koduar "Escort" ka vënë në pranga një shtetase ruse dhe një ukrainase për veprat penale “Prostitucioni”, “Shfrytëzimi i prostiucionit” dhe “Mbajtja e ambienteve për prostitucion”.
Në bashkëpunim me njëra tjetrën, dy shtetaset shfrytëzonin për prostitucion, shtetase të huaja të reklamuara në faqen "Escort Tirana", dhe më pas shumat e parave të përfituara nga kjo veprimtari e paligjshme, ia transferonin organizatorëve të kësaj faqeje, të cilën nuk janë identifikuar ende nga Policia.
Në pranga ra shtetasja ukrainase A. T., 27 vjeçe, dhe shtetasja ruse E. M., 37 vjeçe, të dyja banuese në Tiranë.
Dy shtetaset u kapën në flagrancë në rrugën “Naim Frashëri”, duke marrë shuma parash, nga shtetase të huaja, të cilat dyshohet se i shfrytëzonin për prostitucion.
Po ashtu Policia po procedon penalisht 11 shtetase, për ushtrim prostitucioni ndërsa ka sekuestruar shuma parash, të dyshuara të përfituara nga kjo veprimtari e paligjshme.
/rtsh.al/
