Policia ka shpallur në kërkim Flamur Rrajan, vëllanë e ish-deputetit socialist Rrahman Rraja.
Ai është shpallur në kërkim në lidhje me dhunën e ushtruar ndaj Kujtim Cacës dhe familjes së tij, për shkak të konflikteve për pronën në Nikël të Fushë-Krujës.
Bashkë me të në kërkim është shpallur dhe i biri, Ariel Rraja, i dyshuar gjithashtu se ka marrë pjesë në dhunën e ushtruar ndaj Cacës.
Policia bën të ditur se nën drejtimin e prokurorisë po vijojnë hetimet për zbardhjen e plotë të rrethanave dhe motiveve të këtij konflikti.
/rtsh.al/