Shtetet e Bashkuara të Amerikës planifikojnë të rrisin sulmet e saj në Jemen. Sipas zyrtarëve amerikanëve, SHBA ua ka bërë të ditur homologëve të tyre izraelitë se sulmet pritet të synojnë objektet raketore të rebelëve Houthi të mbështetur nga Irani.
Sipas mediave izraelite, presidenti amerikan në largim Joe Biden i ka dhënë ushtrisë amerikane autorizim “të gjerë” për sulmet.
Raporti thotë se SHBA i theksoi Izraelit se sulmet izraelite duhet të mbeten vetëm kundër objektivave ushtarake për të parandaluar dëmtimin e civilëve.
Nga ana tjetër, sa i përket organizatës së Hamasit, kjo e fundit ka deklaruar se bisedimet e armëpushimit në Gaza do të rifillojnë në Doha më vonë sot.
Negociatat indirekte midis Izraelit dhe Hamasit për një armëpushim në Gaza do të rifillojnë në Katar më vonë sot, konfirmon Hamasi.
“Negociatat indirekte do të rifillojnë sot, të premten, në kryeqytetin e Katarit Doha”, thotë Hamasi në një deklaratë, duke shtuar se bisedimet do të “përqendrohen në sigurimin që marrëveshja të çojë në një ndërprerje të plotë të armiqësive [dhe] tërheqjen e forcave pushtuese nga Gazë”
/rtsh.al/
