Me ndërprerjen e reshjeve dhe rritjen e temperaturave, punët në bujqësi kanë nisur.
Përmirësimi i kushteve të motit gjatë ditëve të fundit ka ndihmuar fermerët të fillojnë aktivitetet e tyre.
Agimi, një fermer nga Kukësi, e ka nisur punën për krasitjen e pemëve në pemëtoren e tij dydynymëshe.
"Krasitja është shumë e rëndësishme në këtë kohë, se nëse nuk krasit nuk ke as prodhim," tregon Agimi.
Veç krasitjes, Agimi është kujdesur edhe për punimin e tokës.
Deri më tani, sythat duken mirë thotë ai, por periudha më delikate mbetet ajo e muajit prill, kur pemët fillojnë të lulëzojnë.
Për sa i përket tregut, duke u bazuar edhe në përvojën e viteve të kaluara, nuk ka pasur probleme.
Tashmë, puna me pemët dhe kulturat e tjera bujqësore është kthyer në pasion për Agimin.
"Ne jemi apasionuar pas pemëtarisë dhe kemi qejf ta shohim mirë parcelën," shton fermeri.
Koha e mirë po favorizon të gjithë fermerët në Kukës që të mbarojnë punët në tokat e tyre.
Gazetar: Dashmir Shehu
/rtsh.al/
