150 artistë popullorë të 18 grupeve artistike nga zona të ndryshme të vendit, u bënë bashkë për të sjellë edicionin e 13-të të Festivalit Folklorik Tipologjik të Sazeve.
Për tre net, grupet muzikore sollën në sheshet e Leskovikut dhe Ersekës ngjyrat e muzikës popullore, përmes instrumenteve tradicionalë, duke ruajtur në mënyrë autentike këtë trashëgimi të çmuar shpirtërore.
Mjeshtri Fatos Qerimaj vlerësoi kontributin e artistëve që kanë ruajtur dhe përcjellë ndër breza muzikën popullore.
“E kanë ruajtur mjaft bukur, në mënyrë të mrekullueshme traditën tonë”, Qerimaj.
Pjesë e festivalit u bënë edhe artistët e rinj, të cilët po ndjekin dhe vazhdojnë misionin në gjurmët e mjeshtrave të mëdhenj të muzikës popullore.
Krahas pjesëve me instrumente, publiku përcolli me shumë emocion edhe vallet e sjella nga valltarët e vjetër dhe të rinj.
Në fund të Festivalit, juria vlerësoi grupin e sazeve të Korçës me çmimin "Kabaja më e mirë" dhe çmimin "Selim Leskoviku".
/rtsh.al/
