Kryeministri Edi Rama është pritur nga kryeministri i ri britanik Keir Starmer, ku do të marrë pjesë në samitin e Komunitetit Politik Europain që po zhvillohet në Oksford të Britaninë e Madhe.
Ky është samiti i katërt i Komunitetit Politik Evropian, ku marrin pjesë të gjithë liderët e BE dhe në fokus të diskutimeve do të jetë pikërisht mbrojta e demokracisë si dhe emigracioni i paligjshëm dhe ulja e këtij fenomeni.
Kryeministri Edi Rama do të bashkëdrejtojë pikërisht një nga tryezat e diskutimit së bashku me homologen italiane Xhorxha Meloni (Giorgia), atë të emigracionit të paligjshëm.
Axhenda e samitit përfshin edhe diskutime kritike mbi Ukrainën dhe energjinë.
Kryeministri britanik Keir Starmer ka pritur liderët e BE dhe vendeve të rajonit, takimin e tij i parë ndërkombëtar që nga marrja e detyrës më 6 korrik.
Mbreti Charles III do të marrë pjesë gjithashtu duke organizuar një pritje për të pranishmit në samit, duke i dhënë një dimension mbretëror ngjarjes.
Për herë të parë, përfaqësues nga NATO, Organizata për Siguri dhe Bashkëpunim në Evropë (OSBE) dhe Këshilli i Evropës do të jenë të pranishëm, duke nënvizuar nevojën kritike për unitet në adresimin e konflikteve dhe paqëndrueshmërisë brenda dhe pranë kufijve të Evropës.
/rtsh.al/
