Rreth 50 persona, fëmijë dhe të rritur, janë paraqitur në spitalin e Bulqizës me të njëjtat simptoma prej helmimit, dhimbje barku, të vjella apo dhimbje koke, dhe pasi kanë marrë mjekimin e duhur janë larguar nga ambientet e spitalit.
Mësohet se pacientët nuk janë nga e njëjta zonë, por nga disa fshatra e lagje të ndryshme, pas analizave pritet të konfirmohet arsyeja e helmimit.
“Komisariati i Policisë Bulqizë, ka marrë njoftim se disa shtetas banorë të bashkisë Bulqizë, ishin paraqitur në spital për ndihmë mjekësore me simptoma helmimi. Me marrjen e njoftimit është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit”, thuhet në njoftimin paraprak të policisë.
/RTSH/
