Franca po planifikon një takim të dytë për Ukrainën të mërkurën, këtë herë me vendet evropiane që nuk ishin të pranishme në samitin e së hënës, si dhe Kanadanë, raporton Reuters.
Burime diplomatike thanë se vendet e ftuara janë Norvegjia, Kanadaja, tre vendet baltike (Lituania, Estonia dhe Letonia), Republika Çeke, Greqia, Finlanda, Rumania, Suedia dhe Belgjika.
Disa vende mund të marrin pjesë përmes video-konferencës, thanë dy nga diplomatët.
Kujtohet se në samitin e djeshëm të Parisit morën pjesë Franca, Gjermania, Italia, Spanja, Holanda, Polonia, Britania, Danimarka (që përfaqësonte vendet baltike), BE-ja përmes Presidentit të Këshillit Evropian dhe Presidentit të Komisionit Evropian, si dhe NATO-ja përmes Sekretarit të Përgjithshëm.
/rtsh.al/
