Raundi tjetër i negociatave ndërmjet Shteteve të Bashkuara dhe Rusisë do të mbahet më 25 shkurt.
Këtë e ka bërë të ditur presidenti amerikan Donald Trump.
Vihet re se palët do të takohen sërish në Riad.
Trump nuk përmendi nëse përfaqësues nga Ukraina do të ftoheshin në takim.
Ky takim pason raundin e parë të diskutimeve të mbajtura në të njëjtin qytet në fillim të javës. Asnjë zyrtar ukrainas nuk ishte i pranishëm në negociatat saudite.
Pas takimit fillestar, Sekretari i Shtetit i SHBA-së Marco Rubio përshkroi tre objektiva kryesore që të dyja palët kishin rënë dakord të ndiqnin.
Këto përfshijnë rivendosjen e stafit të ambasadës në Uashington dhe Moskë, krijimin e një ekipi të nivelit të lartë për të lehtësuar bisedimet e paqes në Ukrainë dhe eksplorimin e mënyrave për të forcuar bashkëpunimin ekonomik midis dy vendeve.
Ndërkohë, zëvendësministri i Jashtëm i Rusisë Sergei Ryabkov tha se po përgatiten për një takim të mundshëm kokë më kokë mes Trump dhe presidentit rus Vladimir Putin. Duke folur për mediat shtetërore ruse, Ryabkov tha se një samit i tillë mund të mbulojë një gamë të gjerë çështjesh globale përtej luftës në Ukrainë. Ai theksoi nevojën për të "lëvizur drejt normalizimit të marrëdhënieve" dhe për të adresuar "situatat më akute dhe potencialisht shumë, shumë të rrezikshme, prej të cilave ka shumë, mes tyre edhe Ukraina".
-Kryeministri i Mbretërisë së Bashkuar Sir Keir Starmer kishte thënë më herët se ishte i përgatitur të konsideronte dërgimin e trupave në Ukrainë nëse dhe kur të përfundojë lufta. Por ideja nuk u mbështet nga të gjithë – kancelari gjerman Olaf Scholz tha se diskutimi rreth trupave ishte “i papërshtatshëm” dhe “i parakohshëm”.
-Starmer tha gjithashtu se çdo marrëveshje paqeje do të kishte nevojë për një mbështetje të SHBA-ve si garanci për të ndihmuar në ruajtjen e paqes në Ukrainë – është e paqartë se si mund të duket kjo, por aleatët e Mbretërisë së Bashkuar sugjeruan se mund të ishte mbështetje ajrore, logjistike ose aftësi të inteligjencës.
/rtsh.al/
