Investimet publike me qëllim përmirësimin e infrastrukturës rrugore është fokusi kryesor i bashkisë Durrës.
Kryeministri Edi Rama ka bërë publike pamje nga kantieri i ndërtimit të dy unazave të qytetit, që do të lehtësojnë trafikun e mjeteve dhe të këmbësorëve.
Ndërsa e cilësoi si një ndër investimet më të rëndësishme të viteve të fundit, Rama shkruan se, “kantieri i ndërtimit të dy unazave në qytetit të Durrësit, ndër investimet më të rëndësishme të viteve të fundit, që do të lidhin zonën e Currilave me rrugën “Aleksandër Goga” e do të lehtësojnë trafikun e mjeteve dhe të këmbësorëve”.
Kryeministri bëri të ditur se Unaza Spitallë-Currila do të jetë me katër korsi dhe një korsi biçikletash ndërsa unaza tjetër, Spitali-Currila do të jetë me dy korsi, një korsi biçikletash dhe parkim.
Unaza 2 “Spital – Currila” është me gjatësi 2.5 km e cila mundëson lidhjen e zonës së Currilave me Rrugën “Aleksandër Goga” nëpërmjet Rrugës “Isuf Ferra”, Rruga “Vojsava”, Rruga “Prokop Meksi” dhe Rruga “Abdulla Teku”.
Projekti për 2 UNAZAT Unaza 1 “Spitallë – Currila” me gjatësi 2.88 km e cila mundëson lidhjen e zonës së Currilave me zonën e Spitallës nëpërmjet Rrugës “Pjetër Pogdani” dhe Rrugës “Syri i Detit” (dy degëzime).
Kantieri i ndërtimit të dy unazave në qytetit të Durrësit, ndër investimet më të rëndësishme të viteve të fundit, që do të lidhin zonën e Currilave me rrugën “Aleksandër Goga” e do të lehtësojnë trafikun e mjeteve dhe të këmbësorëve.
/rtsh.al/
