Shërbimi veterinar ka vijuar kontrollet në tregje edhe këtë fillimvit.
Sipas specialistëve, monitorimi ka në fokus edhe murtajën e derrave.
Deri më tani qarku i Shkodrës mbetet i pastër, ndonëse vend kufitar me Lezhën, ku ka javë më parë ngordhën disa bagëti të prekura nga sëmundja.
"Në Shkodër, sot për sot nuk kemi asnjë rast të kafshëve të dyshimta apo pozitive për sa i përket murtajës afrikane të derrave," thotë shefi i Shërbimit Veterinar, Mark Preçi.
Për shkak të situatës, vëmendja do të jetë e shtuar në çdo bashki të qarkut.
"Ne kemi rritur sistemin e alertit dhe jemi në kontakt të vazhdueshëm me fermerët. Veterinerët e shërbimit janë në terren pa ndalim," shton z. Preçi.
Në Shkodër janë dy stabilimente që merren me rritjen dhe përpunimin e mishit të derrit. Kontrollet aty janë periodike.
Gazetar: Marjo Gjoni
/rtsh.al/
