Janë publikuar pamjet e dhunimit të avokatit Sokol Mëngjesi, ngjarje e ndodhur mëngjesin e kësaj të mërkure (29 maj) në Tiranë. Tre autorët, Dorian Alia, Drivald Alia dhe Elton Kasaj kanë sulmuar Mëngjesin teksa ky i fundit ishte para një kopshti në zonën e ish-Bllokut.
Sikurse mund të shihet edhe në video, ata e rrëzojnë avokatin përtokë dhe fillojnë ta godasin barbarisht me grushte e shqelma.
Policia ka zbardhur ngjarjen, teksa ka shpallur në kërkim Drivald Alian dhe Elton Kasajn dhe Romario Tabaku, ky i fundit largoi autorët nga vendi i ngjarjes, ndërsa Dorian Alia është vetëdorëzuar.
Mëngjesi ndodhet në spital, në gjendje të rëndë shëndetësore.
/rtsh.al/
