Presidenti i Republikës, Bajram Begaj, i ka dërguar urimet e tij Mitropolitit Joan Pelushi për zgjedhjen e tij si Kryepeshkop i ri i Kishës Ortodokse Autoqefale të Shqipërisë.
Ai shprehu urimet e tij për Hirësinë e tij, Imzot Joanin, duke theksuar se nën drejtimin e tij, Kisha Ortodokse Autoqefale e Shqipërisë do të vazhdojë të jetë një shtyllë e fortë e besimit, paqes dhe vlerave shpirtërore për besimtarët dhe për gjithë shoqërinë shqiptare.
Ky moment shënon një ngjarje të rëndësishme për komunitetin ortodoks në Shqipëri, pasi zgjedhja e Kryepeshkopit të ri vjen pas ndarjes nga jeta të Hirësisë së Tij, Anastasit, disa muaj më parë. Kjo zgjedhje është një hap i rëndësishëm për vazhdimësinë dhe forcimin e Kishës Ortodokse në vend.
“Shumë urime për Kryepeshkopin e ri të Tiranës, Durrësit dhe gjithë Shqipërisë, Hirësinë e tij, Imzot Joanin! Nën drejtimin e tij, Kisha Ortodokse Autoqefale e Shqipërisë do të vazhdojë të jetë një shtyllë e fortë e besimit, paqes dhe vlerave shpirtërore për besimtarët dhe për gjithë shoqërinë shqiptare”, u shpreh Presidenti Begaj.
Zgjedhja e Kryepeshkopit të ri shënon një moment të rëndësishëm për komunitetin ortodoks në Shqipëri. Mitropoliti Joan Pelushi u zgjodh në krye të Kishës Ortodokse Autoqefale të Shqipërisë pas ndarjes nga jeta disa muaj më parë të Hirësisë së Tij, Anastasit.
/rtsh.al/
