Një ngjarje e rëndë ka ndodhur mbrëmjen e sotme kur një 15-vjeçar dyshohet se është dëmtuar me armë zjarri në rrethana ende të paqarta.
Sipas policisë, ngjarja ka ndodhur në Fushë-Mëzez ku i mituri dyshohet se është plagosur me armë, ndërsa ndodhet nën kujdesin e mjekëve.
“Më datë 30.01.2025, rreth orës 20:30, është paraqitur në spitalin e Traumës një i mitur 15 vjeç, i cili dyshohet se është dëmtuar me armë zjarri, në rrethana ende të paqarta, në Fushë-Mëzez. I mituri ndodhet nën kujdesin e mjekëve”, thuhet në njoftimin e policisë.
Ndërkaq, shërbimet e Policisë së bashku me grupin hetimor po punojnë për sqarimin e rrethanave dhe dokumentimin ligjor të rastit.
/rtsh.al/
