Kryeqyteti i Shqipërisë Tirana, solidarizohet me Firencen dhe Toskanën në Itali, të cilat gjatë mbrëmjes të së enjtes dhe të premten kanë pësuar përmbytje, si pasojë e motit të keq.
Përmes një postimi në rrjetet sociale, kryebashkiaku Erion Veliaj u ka shprehur mbështetjen dy homologëve të tij italianë për çdo nevojë.
“Të gjithë në Tiranë jemi thellësisht të trishtuar nga lajmi i përmbytjeve dhe humbjeve të jetëve në Firence dhe në Toskanë. I shpreha solidaritetin vëllait tim, kryebashkiakut Dario Nardella dhe mikut/kryetarit Eugenio Giani. Lutemi që kjo katastrofë të kalojë sa më shpejt dhe jemi të gatshëm të ndihmojmë në çdo rast nevoje”, shkruan Veliaj.
/ rtsh.al /
