Një përleshje e dhunshme mes rreth 80 personave ka ndodhur mbrëmjen e djeshme (9 mars) në Qendrën e Pritjes dhe Identifikimit të Malakasës.
Sipas raportimeve nga mediat greke, 16 prej emigrantëve kanë mbetur të plagosur, ndërsa 9 prej tyre janë dërguar në spital për të marrë ndihmën e nevojshme mjekësore.
Shtatë prej të plagosurve janë dërguar në spitalin “Kryqi i Kuq” dhe dy persona në Spitalin e Fëmijëve “Aglaia Kyriakou”.
Moshat e të plagosurve variojnë nga 15 deri në 25 vjeç dhe janë me origjinë nga Egjipti. Komisariati i Oropos po kryen hetimet për ngjarjen.
/rtsh.al/
