Kanë kaluar 78 vite nga Kryengritja Antikomuniste e Postribës dhe ajo vazhdon të përkujtohet si një nga ngjarjet e rëndësishme e qëndresës antikomuniste të shqiptarëve.
Organizuar nga shoqata kombëtare “Postriba-Nderi i Kombit”, banorë të Shkodrës dhe Postribës bënë homazhe dhe vendosën kurora me lule në memorialin kushtuar kësaj ngjarje.
Kurora me lule vendosi edhe kryetari i Bashkisë së Shkodrës, Benet Beci.
Kryengritja e Postribës, më 9 shtator 1946, është një nga lëvizjet e para të armatosura antikomuniste. Elita e qytetit të Shkodrës, antikomunistët e vërtetë dhe nacionalistët nga fshatrat e Shkodrës morën pjesë në këtë lëvizje që ka vlera të mëdha në planin lokal, kombëtar, politik dhe gjeopolitik.
Gazetar: Mirsad Rakaj
/rtsh.al/
