Deputetët e Partisë Demokratike do të mbajnë sot një manifestim sensibilizues përpara Parlamentit Europian në Strasburg.
Sipas zyrës së shtypit pranë kësaj force politike mësohet se në ora 12:00 deputetët e PD-së, do protestojnë për disa çështje që lidhen me qeverinë e cila akuzohet për shkelje ligjore.
Sipas informacioneve të siguruara pranë deputetëve opozitar mësohet se deputetët e PD-së pritet të ndahen në dy grupe.
Njëri grup do të marr pjesë në seancën plenare të Parlamentit Europian për të zhvilluar takime me eurodeputetët dhe për t’i njohur ata , sipas tyre, për situatën politike në Shqipëri.
Një ditë më parë, Kryetari i Grupit të PD-së, Gazmend Bardhi njoftoi se nisëm takimet në Parlamentin Europian me qëllim informimin e plotë mbi situatën në Shqipëri
“Shqipëria është i vetmi vend në Europë që ndërkohë që qeveriset me prova të pakontestueshme nga krimi i organizuar, deri në pikën që organizatat kriminale diktojnë edhe vendet e kandidatëve për deputet në listën e PS, pushteti i kriminalizuar i Edi Ramës synon asgjesimin e opozitës përmes burgosjeve politike të lidershipit të opozitës, duke na rikthyer 34 e më shumë vjet pas dhe duke vënë në pikëpyetje serioze demokracinë” shkruan Bardhi.
/rtsh.al/