Këtë të premte (15 shtator) ka nisur sezoni i ri artistik i Orkestrës Simfonike të RadioTelevizionit Shqiptar.
Një valle popullore shqiptare e kompozuar nga Jetmir Zaganjori çoi siparin e sezonit të Orkestrës Simfonike.
Për koncertin ishte menduar një program i larmishëm me kompozimet e emrave më të mëdhenj të nivelit botëror, si Bet’hoven dhe Moxart.
Koncerti u mbajt në hollin "Gjon Simoni" brenda ambienteve të RadioTelevizionit Shqiptar.
Programin e kompozitorit të ri Zaganjori e plotësuan violinisti Daniel Vlashi Lukaçi, violina e parë e Orkestrës Simfonike të Berlinit.
Shfaqja u dirigjua nga Aurelien Azan Zielinski, i cili ka edhe rolin e drejtuesit artistik në Orkestrën Simfonike të RTSH-së.
/rtsh.al/
