Arrestohet në Francë me qëllim ekstradimin drejt Shqipërisë, 46-vjeçari i dënuar me 5 vite burg për posedim të lëndëve narkotike.
46-vjeçari Elton B., ishte shpallur në kërkim ndërkombëtar pasi në 2021-shin Gjykata e Tiranës e dënoi me 5 vite burgim për veprën penale “Prodhimi dhe shitja e narkotikëve”.
Në vitin 2019, 46-vjeçari ka shitur 5 qese plastike me heroinë dhe pilula metadoni.
“Si rezultat i sigurimit të informacionit nga strukturat e specializuara të Policisë së Shtetit dhe shkëmbimit të tij, nëpërmjet Interpol Tiranës, me homologët në Paris, u organizua dhe u finalizua operacioni policor ndërkombëtar i koduar “Five”.
Gjatë këtij operacioni, policia franceze lokalizoi, kapi dhe arrestoi me qëllim ekstradimin në Shqipëri, shtetasin E. B, 46 vjeç.
Ai ishte shpallur në kërkim ndërkombëtar sepse në vitin 2021, Gjykata e Rrethit Gjyqësor Tiranë e ka denuar me 5 vjet burgim, për veprën penale “Prodhimi dhe shitja e narkotikëve”. Vijon bashkëpunimi ndërmjet Interpol Tiranës dhe Interpol Parisit, për të finalizuar procedurën e ekstradimit të 46-vjeçarit, në Shqipëri”, thuhet në njoftim.
/rtsh.al/
