Ish-komandanti i Zonës Operative të Llapit në Ushtrinë Çlirimtare të Kosovës, Rustem Mustafa – Remi është arrestuar dhe është dërguar në bazën e misionit të EULEX-it në Fushë-Kosov pasi akuzohet për krime lufte.
Mustafa kishte përfunduar dëshminë e tij në Hagë vetëm para dy muajve, ku u shpreh se për të ka qenë shumë e rëndë ndjesia të ketë përballë bashkëluftëtarët e tij me akuza të padrejta.
Ai është liruar pasi është marrë në pyetje. Ndërsa, Mustafa pas lirimit ka treguar se të njëjtit i është marrë telefoni.
Ish-komandanti i UÇK-së ishte dërguar në bazën e misionit të EULEX-it në Fushë Kosovë për t’u intervistuar.
Sipas Mustafës, asnjë shpifje ndaj Ushtrisë Çlirimtare të Kosovës, nuk mund ta zhbëjë atë që shkaktoi politika kriminale e regjimit.
Rustem Mustafa kishte nisur dhënien e dëshmisë së tij në Hagë, para dy muajsh dhe ishte dëshmitari i parë që ka dalë publikisht në gjykimin kundër ish-presidentit, Hashim Thaçi, ish-kryeparlamentarëve, Kadri Veseli dhe Jakup Krasniqi dhe ish-deputetit, Rexhep Selimi, pasi të gjithë të tjerët kanë qenë me masa mbrojtëse, transmeton RTK.
Mustafa ka qenë deputet i PDK-së vite më parë, dyshohet nga Dhomat e Specializuara me seli në Hagë, për krime lufte.
/rtsh.al/
