Të dish të falësh do të thotë...? Kjo është tema për të cilën do të diskutojmë në mëngjes duke mirëpritur telefonatat në numrin e telefonit : 042 400 603, dhe komentet në rrjetin social Facebook.
Parlamenti miratoi ndryshimet e bëra në Kodin Rrugor nëpërmjet të cilit ashpërsohen masat për drejtuesit e mjeteve që përdorin celularin në timon, alkool, ose kanë kryer shkelje të përsëritura. Në ndryshimet e kodit rrugor janë sanksionuar dhe pikët e patentës. “Në rast të mbarimit të tyre çdo person do të duhet të kryejë kursin e autoshkollës nga e para. Për më shumë do të bisedojmë me të ftuarin tonë, Fatmir Hasho, Ekspert i Sigurisë Rrugore.
Shqiptarët po lëvizin jashtë vendit ose po zhvendosen drejt Tiranës ose Durrësit, sipas Instat nga 12 qarqe vetëm këto rajone kanë parë rritje të popullsisë vitin e kaluar, ndërsa pjesa tjetër janë tkurrur ndjeshëm. Për të mësuar më shumë rreth këtij fenomeni ne do të bisedojmë me të ftuarin tonë, Gëzim Tushi , Sociolog.
Por natyrisht që pjesë e pandarë e emisionit është muzika më e mirë shqiptare dhe e huaj. Informacionet rreth Aktualitetit, Politikës, Sportit, Artit, Ekonomisë dhe Kulturës vijnë drejtpërdrejt nga webi i ''rtsh.al''.
Parashikimi i Motit, lidhjet me korrespondentët nëpër rrethe, kuriozitete dhe aforizma, ngjarjet nga muzika botërore dhe shumë surpriza të tjera i gjeni vetëm duke na ndjekur nga ora 07:00-10:00 në RTSH 1, Radio Tirana 1 ose në telefonin tuaj celular me aplikacionin ''RTSH TANI'', i cili serviret pa pagesë për të gjithë telefonat e mençur .
