Ministri izraelit i Mbrojtjes, Yoav Gallant ka thënë se Hezbollahu dhe Hamasi nuk janë më përfaqësues "efektiv" të Iranit, pasi operacionet izraelite vranë disa figura kryesore nga të dy grupet në javët e fundit.
Gallant po fliste në një ceremoni përkujtimore në malin Herzl për ushtarët izraelitë të vrarë më 7 tetor të vitit të kaluar.
“Në jug, Hamasi pushoi së funksionuari si një entitet ushtarak. Në veri, Hezbollahu vazhdoi të merrte goditje, zinxhiri i tij komandues u eliminua dhe shumica e aftësive të tij raketore u shkatërruan”, tha ai.
Gallant shtoi se Hamasi dhe Hezbollahu, “të përgatitur prej kohësh si duart e zgjatura të Iranit kundër Izraelit, nuk shërbejnë më si mjete efektive”.
Por me një raund të ri negociatash për pengjet dhe një armëpushim në Gaza që po zhvillohet në Katar, Gallant shtoi: “Ne e dimë se disa qëllime nuk mund të arrihen vetëm me veprime ushtarake, dhe kështu, ne duhet të respektojmë detyrimet tona morale për të sjellë robërit tanë në shtëpi, pavarësisht kompromiseve të dhimbshme të përfshira.”
Ai nuk dha detaje.
Gallant dhe kryeministri Benjamin Netanyahu kanë qenë shpesh në mosmarrëveshje në negociatat për të siguruar lirimin e pengjeve të mbetura në Gaza. CNN
/rtsh.al/
