Grupi parlamentar i Partisë Socialiste është mbledhur të martën nën drejtimin e kryetarit, Niko Peleshi, ku është folur lidhur me fokusin e diskutimeve në seancat parlamentare. Lajmi është bërë i ditur nga vetë Peleshi, nëpërmjet një postimi në rrjetet sociale.
“Të vendosur për të çuar përpara me ritëm reformat dhe proceset integruese të Shqipërisë”, shkruan Peleshi.
Sipas tij, mirëqenia e qytetarëve dhe arritja e standardeve evropiane janë synim dhe objektiv i palëvizshëm i socialistëve dhe i deputetëve në Kuvend.
/rtsh.al/