Ka mbërritur në ambientet e Teatrit Kombëtar të Operës dhe Baletit, arkëmorti me trupin e pajetë të Ismail Kadaresë, i shoqëruar nga truproja e Gardës dhe familjarët e Kadaresë.
Po ashtu, e shoqëruar nga Kryetari i Bashkisë, Erjon Veliaj, ka mbërritur në ambientet e TKOB, aty ku mbahen edhe homazhet dhe ceremonia shtetërore në nder të kolosit të letërsisë shqiptare, edhe bashkëshortja e Ismail Kadaresë.
Homazhet në nder të shkrimtarit të madh nisën në orën 09:00, ndërsa në ambientet e TKOB pritet të mbërrijnë edhe liderët e politikës shqiptare dhe personalitete të larta shqipfolëse.
/rtsh.al/
