Ministri i Jashtëm egjiptian Sameh Shoukry ka zhvilluar bisedime në Kajro ditën e sotme ministrin Britanik të Shtetit për Çështjet e Lindjes së Mesme dhe Afrikës së Veriut, Tariq Ahmad, mbi luftën e Izraelit në Rripin e Gazës dhe njohjen e shtetit palestinez.
Shoukry nënvizoi rëndësinë e arritjes së një armëpushimi në Gaza për të ruajtur jetët e civilëve palestinezë.
Sipas Ministrisë së Jashtme egjiptiane, kryediplomati bëri thirrje për sigurimin e një zbatimi të shpejtë të Këshillit të Sigurimit të OKB-së që kërkon vendosjen e armëpushimit në enklavën palestineze.
Këshilli i Sigurimit i OKB-së miratoi rezolutën e së hënës duke kërkuar armëpushim të menjëhershëm në Gaza gjatë muajit të agjërimit islamik të Ramazanit.
Ndërkaq Hamasi mirëpriti rezolutën, ndërsa Izraeli u zotua të vazhdojë luftën e tij në Rripin e Gazës deri në shkatërrimin e grupit palestinez.
Shoukry bëri thirrje për presion mbi Izraelin për të hapur të gjitha vendkalimet tokësore me Gazën për të siguruar dërgimin e ndihmave të mjaftueshme në enklavën e rrethuar.
Sipas deklaratës, ministri egjiptian bëri thirrje për adoptimin e një qasjeje të ndryshme ndaj çështjes palestineze që përfshin përpjekje serioze drejt njohjes së një shteti palestinez dhe anëtarësimit të tij në Kombet e Bashkuara.
Të dy ministrat diskutuan gjithashtu tensionet e vazhdueshme në Detin e Kuq dhe situatën në Liban, Sudan, Libi dhe Jemen, thuhet në deklaratë.
Izraeli ka nisur një ofensivë hakmarrëse në Gaza pas një sulmi ndërkufitar nga Hamasi më 7 tetor 2023. Nga ofensiva janë vrarë më shumë se 32,500 viktima dhe kanë mbetur të plagosur rreth 75,000 të tjerë në mes të shkatërrimit në masë dhe mungesës së nevojave.
/rtsh.al/
