Fshati Nartë edhe pse është një ndër destinacionet turistike të Vlorës, nuk mjafton për të rinjtë që të qëndrojnë në të. Nga shtatori në qershor, një pjesë e shtëpive të Nartës qëndrojnë të mbyllura, ndërsa në ato që mbeten pas janë moshat e treta, që nuk duan të largohen edhe pse pranojnë se jetesa pa të rinjtë është e vështirë.
Mungesa e furnizimit me ujë kushtëzon edhe më shumë jetesën e tyre ndonëse këtë muaji fshati ka filluar të furnizohet me orare.
Nga ana tjetër Ujësjellës Kanalizime Vlorë thotë se problemi në fshatin Nartë ka ardhur si pasojë e dëmtimeve në sistemin shpërndarës të ujit në qytet. Megjithatë me përfundimin e projektit me vlerë 22 milionë euro që po implementohet në Vlorë, pritet ti jepet zgjidhje edhe furnizimit të njësive administrative.
/RTSH/
