Edvin Kulluri, sekretar për marrëdhëniet me publikun PD dhe njohësi i çështjeve ndërkombëtare deklaroi në emisionin “3D” të Alban Dudushit’ se sulmi i Iranit me raketa kundër Izraelit është qartazi një akt lufte.
“Nga pikëpamja gjeografike është shumë e vështirë që të dyja palët të kenë një përplasje frontale por ata po goditen ‘përqark’ dhe duke sulmuar interesat e njëra-tjetrës në rajon” theksoi ai.
Sipas Kullurit nga pikëpamja ushtarake kjo është një luftë pavarësisht mënyrës së gjetur por është sulmuar territori i Izraelit.
“Ne praktikisht jemi në luftë. Praktikisht prej muajsh në këtë rajon dhe konkretisht prej ditës ndërmjet Izraelit dhe Iranit. Akti i Iranit është një akt Lufte. Nuk është një luftë “Proxy” apo incident në ndonjë ambasadë por ishte akt lufte e një shteti në shtetin tjetër” u shpreh ai.
/rtsh.al/