“Nuk jam asnjë përgjigje për prokurorët por vetëm në gjykatë”, ka qenë kjo deklarata e deputetes së Partisë së Lirisë, Monika Kryemadhi pas paraqitjes së saj në SPAK.
Kryemadhi u shpreh para mediave se kjo zgjedhje e saj, lidhet me faktin se deklaratat e bëra para prokurorëve janë përdorur kundër saj.
Pas Kryemadhit, në SPAK është paraqitur edhe mamaja e saj Fatime Kryemadhi.
“Do përballemi me ekspertizën që do ndërtojë prokuroria, por nga ana tjetër edhe me ekspertizën financiare që kam bërë unë dhe mamaja ime. Është një procedurë pak e gjatë, që kërkon durim, qetësi dhe përfshirje të të gjitha palëve.
Nuk u pyeta për gjë sepse unë nuk pranova të përgjigjem për asgjë. Gjithë deklaratat e mia do bëhen në gjykatë, tashmë nuk flas më përpara prokurorit.
Sepse deklaratat e mia mund të përdoren kundër meje.
Tani në orën 11:00 është mamaja ime në SPAK”, u shpreh deputetja.
Deputetja Monika Kryemadhi është paraqitur këtë të hënë (6 janar) në Prokurorinë e Posaçme (SPAK) në zbatim të vendimit të gjykatës ndaj masës së sigurisë “detyrim paraqitje”.
Monika Kryemadhi është nën hetim për akuzat e korrupsionit dhe mosdeklarimit të pasurisë.
/rtsh.al/
