Dhimbja është një temë e ndërlikuar pasi shpesh konsiderohet subjektive dhe varet nga niveli individual i dhimbjes. Megjithatë, ndërsa dhimbja e të bërit një tatuazh ose të pasurit një fëmijë mund të jetë e diskutueshme, ka disa kushte ose sëmundje shëndetësore që janë padiskutim torturuese.
Sipas studiuesëve, ka disa gjendje që renditen si "dhimbje aq paaftësuese" sa mund t'ju pengojnë të kryeni detyrat e përditshme. Studimet e quajnë shpatullën e ngrirë si një nga dhimbjet më të këqija për të vuajtur, një gjendje ku nyja bëhet aq e ngushtë dhe e ngurtë sa është pothuajse e pamundur të ngrihet krahu. Gjendja mund të zgjasë për disa vite nëse nuk trajtohet.
Gjendja e cila mendohet se prek një në 10 gra në mbarë botën, duhen mesatarisht 7.5 vjet për t'u diagnostikuar gjatë së cilës gratë mund të përjetojnë dhimbje të përgjithshme, dhimbje të legenit, dhimbje menstruale si dhe probleme të fertilitetit.
Gjithashtu në listën e sëmundjeve që mund të shkaktojnë dhimbjet të forta janë artriti, apendiciti dhe migrena. Lista e plotë pa rend të veçantë është si më poshtë:
Herpes
Dhimbja e kokës
Shpatulla e ngrirë
Kocka të thyera
Sindroma komplekse e dhimbjes rajonale (CRPS)
Atak në zemër
Hernia e Diskut
Sëmundja e qelizave drapër
Artriti
Migrena
Nervi shiatik
Gurët në veshka
Apendiciti
Neuroalgjia trigeminale
Pankreatiti akut
Endometrioza
Ulçera e stomakut
Fibromialgjia
Dhimbje pas operacionit
Dr. Gary LeRoy një doktor i mjekësisë familjare në Dejton, Ohio, tha për The Independent se: "Këto janë të gjitha kushte shumë të vlefshme dhimbjeje që ne zakonisht i shohim në mjedisin e kujdesit shëndetësor."
/rtsh.al/
