Në raundin e dytë të regjistrimeve në universitetin e Vlorës, dega e infermierisë rezulton më e kërkuara ku regjistrimet janë mbyllur. Aurela Saliaj Rektorja e universitetit Ismail Qemali flet për një interes të shtuar krahasuar me një vit më parë në fakultetin e shkencave humane, fakultetin e shkencave teknike dhe fakultetin e ekonomisë.
Në këtë universitet nuk ka asnjë degë që rrezikon mbylljen ndonëse rektorja ngre shqetësimin për numrin e ulët të regjistrimeve për mësues të gjuhë letërsisë dhe ciklin e ulët, ndërsa u bënë thirrje studentëve të shfrytëzojnë lehtësirat që ofrohen për këto programe prioritare.
Një lajm i mirë për universitetin është aplikimi për të shtuar edhe disa prej programeve të shëndetit publik.
Në përfundim të raundit të parë janë regjistruar 630 studentë ndërsa parashikimet janë që shifra në përfundim të tre raundeve të shkojë në 1000 studentë të rinj.
Gazetare: Eriselda Dyrmishi
/RTSH/