Hapen sot (8 korrik) regjistrimet online për klasat e para dhe të dhjeta. Lajmin e ka bërë me dije ministrja e Arsimit, Ogerta Manastirliu e cila sqaron se sistemi do të jetë i hapur deri më 31 gusht, për t’i dhënë mundësi të gjithë prindërve të regjistrojnë fëmijët e tyre në çdo kohë të përshtatshme për ta.
“Afatet për regjistrim janë 8 korrik-31 gusht:
për klasën e parë;
për klasën e dhjetë në gjimnaz ose shkollë të mesme të orientuar;
për klasën e dhjete në shkollë të mesme profesionale;
për gjimnaz me kohë të pjesshme mbi 18-vjeç”, shkruan Manastirliu në rrjetin social Facebook.
/rtsh.al/