Gatimet ua kanë lënë në dorë zonjave - burrat kamë zgjedhur pijet.
Ky fundvit e gjen Tiranën plot me qytetarë në përgatitjet e fundit, ndërsa na ndan dhe pak nga ndërrimi i viteve.
Gjeli i detit vazhdon të mbetet i preferuari. Pa asnjë kundërshti, edhe vera e kuqe në trokitjen e gotave është zgjedhja e qytetarëve.
Gjithçka i takon preferencave të gjithsecilit, por ajo që somelierët rekomandojnë është vera e kantinave shqiptare, që po konkurron tregun e huaj.
"Gradualisht kemi evoluar, duke pasur fatin që kemi afër Italinë dhe Francën. Tashmë Shqipëria bën verë jo të mirë, por shumë të mirë. Kemi rrush e hardhi autoktone," tregon somelieri Ervis Xhafo.
"Duhet të dimë etiketën, që tregon çfarë të presim nga vera, çfarë varieteti është. Edhe tapa... në momentin që e hapim, nëse tapa është e lagur vera ka probleme dhe do vijë era e tapës. Tapa nuk duhet të jetë e lagur deri në gjysmë, përndryshe vera është oksigjenuar dhe ka marrë ajër," zbulon Entela Cenko, eksperte e verës.
Mes urimeve për një vit të mbarë atmosfera e festave tok me traditën mbledh ende së bashku qytetarët, të cilët vazhdojnë ende traditën për të festuar bashkërisht.
Gazetare: Elda Lamja
/rtsh.al/
